Jazzakademína hefur göngu sína á ný

29.10.2008

Fimmtudaginn 30. október, hefur Jazzakademían, jazzklúbbur Háskóla Íslands, starfsemi sína á nýjan leik. Tónleikarnir, sem eru í boði Háskóla Íslands og Félagsstofnunar stúdenta, fara fram kl. 16 – 18 á Háskólatorginu. Fyrst á dagskrá vetrarins verður Tríó Ómars Guðjónssonar. Tríóið skipa þeir Ómar Guðjónsson á gítar, Þorgrímur Gestsson á bassa og Matthías M.D. Hemstock á trommur. Næstu tveir tónleikar Jazzakademíunnar verða fimmtudagana 6. og 13. nóvember. Verður dagskránni svo haldið áfram eftir áramót með þrennum tónleikum í febrúar og mars. Aðgangur að Jazzakademíunni er ókeypis og öllum heimill á meðan húsrúm leyfir og verður Hámubarinn opinn á meðan á tónleikunum stendur.

Til baka Senda grein Prenta greinina