Vera_bordar

Stúdentabörn eru í góðum höndum

Félagsstofnun stúdenta rekur þrjá leikskóla. Leikskólafulltrúi hefur umsjón með faglegu starfi og rekstri skólanna. Leikskólafulltrúi FS er Sigríður Stephensen, sigridur@fs.is, og er hún til viðtals á skrifstofum FS í Háskólatorgi virka daga kl. 10 -14, s. 5 700 888.

Sólgarður, Eggertsgötu 8, er þriggja deilda, fyrir börn á aldrinum sex mánaða til tveggja ára. Hann er staðsettur á stúdentagarðinum Vetrargarði og þar er rými fyrir 51 barn í heilsdagsvistun. Sótt er um vistun á Sólgarði á síðunni http://www.leikskolinn.is/solgardur. Skólinn er eingöngu fyrir börn stúdenta við HÍ.

Leikskólastjóri á Sólgarði er Sólveig Gunnarsdóttir. Síminn er 590 4900 og netfang solgardur@fs.is. Fréttir af daglegu starfi skólans má finna á síðunni http://www.leikskolinn.is/solgardur

Mánagarður, Eggertsgötu 34, er fjögurra deilda, fyrir börn á aldrinum tveggja til sex ára. Hann er staðsettur í Ásgarðahverfinu og eru þar 68 heilsdagsrými.

Leikskólastjóri á Mánagarði er Soffía Emelía Bragadóttir. Síminn er 562 3340, netfang managardur@fs.is . Fréttir af daglegu starfi skólans má finna á síðunni http://www.leikskolinn.is/managardur en þar er einnig sótt um vistun.

Leikgarður, Eggertsgötu 14, er fjögurra deilda leikskóli fyrir börn á aldrinum 6 mánaða til tveggja ára. Hann er staðsettur í Ásgarðahverfinu og þar eru 56 heilsdagsrými. Sótt er um vistun á síðunni http://www.leikskolinn.is/leikgardur. Skólinn er eingöngu fyrir börn stúdenta við HÍ.

Leikskólastjóri á Leikgarði er Guðlaug Gunnarsdóttir.

Fréttir af daglegu starfi skólans má finna á síðunni http://www.leikskolinn.is/leikgardur

Umsókn um forgang

Ef sérstakar aðstæður liggja fyrir er hægt að sækja um forgang að leikskólunum. Umsókn um forgang á Mánagarð fer fram í gegnum þjónustumiðstöð Vesturbæjar en umsókn um forgang á Leikgarði og Sólgarði fer fram á eftirfarandi hátt:

1. Umsókn skal skilað til viðkomandi leikskólastjóra. Með umsókn skulu fylgja gögnum sem styðja forgang þ.e. læknisvottorð, vottorð frá félagsráðgjafa og/eða greiningarstöð.

2. Leikskólastjóri mælir með forgangi við úrskurðarnefnd sem skoðar hvert tilvik fyrir sig. Úrskurðarnefnd er skipuð fulltrúa námsráðgjafar HÍ, fulltrúa Stúdentaráðs HÍ og fulltrúa Leikskóla stúdenta.

3. Leikskólastjóri tilkynnir foreldrum ákvörðun nefndarinnar og er niðurstaða nefndarinnar endanleg.

Til baka Senda grein Prenta greinina